बादल रणनीति : दुवै अध्यक्षसँग छलफलपछि आफ्नो निर्णयमा पुग्ने – Nepal Press

बादल रणनीति : दुवै अध्यक्षसँग छलफलपछि आफ्नो निर्णयमा पुग्ने

काठमाडौं । संसद भंग र मध्यावधि सिफारिश गर्ने प्रधानमन्त्री केपी शर्मा ओलीको कदमलाई गृहमन्त्री रामबहादुर थापा (बादल) ले पनि ‘प्रतिगामी’ भनेका छन् । तर, राजीनामा भने ‘अहिल्यै नदिने’ नीतिमा छन् ।

सोमबार मन्त्री निवास पुल्चोकमा पूर्वमाओवादीको बादल समूह भेलामा उनले प्रधानमन्त्रीको कदमको आलोचना गरे । तर, दुई अध्यक्षसँग छलफल नगरी सार्वजनिक अभिव्यक्ति वा मन्त्री पदबाट राजीनामा दिनेजस्ता कुरा नहुने उनको सल्लाहकार सूर्यप्रकाश सुवेदी (पथिक) ले बताए ।

‘हामीले छलफल गर्‍यौ, आफ्नो धारणा बनायौं’ उनले भने, ‘अब हामी पार्टीका दुवै अध्यक्षसँग छलफल गरेर आगामी भूमिका तय गर्छौं ।’

उक्त भेलामा देव गुरुङ, पम्फा भुषाल, महेश्वर दाहालसहित २०–२२ जना सहभागी भएको पनि सुवेदीले नेपाल प्रेसलाई बताए ।

यसैबीच, नेकपा अध्यक्ष पुष्पकमल दाहालले गृहमन्त्री रामबहादुर थापासँग भेटघाट गरेका छन् । पुल्चोकस्थित मन्त्री क्वाटरमै पुगेर दाहालले थापासँग भेटघाट गरेका हुन् । भेटपछि दाहाल बाहिरिएका छन् ।

यो र त्यो खेमामा नभएर पार्टी कसरी एक हुनसक्छ, समस्याको निकास कसरी निस्कन्छ भन्ने कुरामा हामी केन्द्रित भयौं’, भेलामा सहभागी अर्का एक नेताले भने, ‘सबभन्दा पहिला त पार्टी अध्यक्षहरुसँग कुरा गर्ने भन्ने छ ।’

प्रतिक्रिया

Leave a Reply

Your email address will not be published.

सम्बन्धित खवर