मन्त्रिपरिषद् बैठक सम्पन्न, अध्यादेश फिर्ताबारे छलफल भएन – Nepal Press

मन्त्रिपरिषद् बैठक सम्पन्न, अध्यादेश फिर्ताबारे छलफल भएन

काठमाडौं । संवैधानिक परिषद् सम्बन्धी अध्यादेश फिर्ता गरेर त्यसलाई प्रतिस्थापन गर्न अर्को अध्यादेश जारी गर्नका लागि बसेको भनिएको मन्त्रिपरिषद् बैठकमा सो सम्बन्धी प्रस्तावमा छलफल नै नभई बैठक सम्पन्न भएको छ ।

बिहीवार साँझ पौने ८ बजे सम्पन्न भएको बैठकमा अध्यादेशबारे कुनै प्रस्ताव नआएको एक मन्त्रीले बताए ।

अध्यादेश जारी गर्ने प्रस्ताव पनि यसअघि मन्त्रिपरिषद् बैठकमा छलफल नभई प्रधानमन्त्रीले मुख्य सचिवलाई निर्णय लेख्न लगाएर राष्ट्रपतिसमक्ष पठाइएकोले फिर्ता सम्बन्धी निर्णय पनि सोही प्रक्रियाबाट हुने स्रोतले जनाएको छ ।

नेकपा स्थायी कमिटी बैठकबाटै अध्यादेश फिर्ता लिने निर्णय भइसकेकाले प्रधानमन्त्रीले राष्ट्रपतिलाई भेटेर सो निर्णय हुनसक्ने ती मन्त्रीले बताए ।

मन्त्रिपरिषद् बैठकपछि प्रधानमन्त्री र मुख्य सचिव बसेर माइन्युट लेखेपछि हुने विषय भएकाले यसमा छलफल नभएको हुनसक्ने उनको भनाइ छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ