संवैधानिक परिषद् बैठकः सभामुखलाई थाहा छैन, देउवा नजाने – Nepal Press

संवैधानिक परिषद् बैठकः सभामुखलाई थाहा छैन, देउवा नजाने

काठमाडौं । प्रधानमन्त्री केपी शर्मा ओलीले आज साँझ ५ बजेका लागि संवैधानिक परिषद्को बैठक बोलाएका छन् । संवैधानिक परिषद् (पहिलो संशोधन) अध्यादेश फिर्ता नलिइकन प्रधानमन्त्री ओलीले परिषद् बैठक बोलाएका हुन् ।

नेपाल कम्युनिष्ट पार्टीका अध्यक्ष समेत रहेका प्रधानमन्त्री ओली र अर्का अध्यक्ष पुष्पकमल दाहालबीच बुधबार अध्यादेश फिर्ता लिने सहमति बनेको थियो ।
अध्यादेश फिर्ता लिनका लागि आज साँझ ६ बजे मन्त्रिपरिषद्को बैठक बस्ने जनाइएपनि प्रधानमन्त्री ओलीले त्यसअघि नै संवैधानिक परिषदको बैठक बोलाएका हुन् ।

यसैबीच, प्रतिनिधि सभाका सभामुख अग्निप्रसाद सापकोटाले संवैधानिक परिषद् बैठकबारे थाहा नभएको जनाएका छन् । सभामुखका सञ्चार विज्ञ श्रीधर न्यापानेले बैठकबारे हालसम्म जानकारी नआएको बताएका छन् ।

प्रमुख प्रतिपक्षी दलका नेता एवं नेपाली कांग्रेसका सभापति शेरबहादुर देउवा पनि परिषद् बैठकमा सहभागि नहुने भएका छन् । कांग्रेस प्रवक्ता विश्वप्रकाश शर्माले अध्यादेश फिर्ता नभएसम्म परिषद् बैठकमा देउवा नजाने जानकारी दिए ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ