भीम रावलले भनेः पार्टीको निर्णय आयो, अब शीतलनिवास छाड्यौं – Nepal Press

भीम रावलले भनेः पार्टीको निर्णय आयो, अब शीतलनिवास छाड्यौं

काठमाडौं । संसदको विशेष अधिवेशन माग गर्दै सांसदहरुको हस्ताक्षर बोकेर दिनभर राष्ट्रपति भवन शीतलनिवासमा धर्ना कसेका नेकपा नेता भीम रावल र पम्फा भुसाल साँझ ६ बजेपछि मात्र बाहिरिएका छन् ।

अपरान्ह १२ बजेर ४८ मिनेटमा विशेष अधिवेशन माग गर्ने निवेदन बोकेर शीतलनिवास पुगेका नेताहरु स्थायी कमिटी बैठकको औपचारिक निर्णय नआएसम्म पर्खेरै बसेका थिए । बैठकले अध्यादेश फिर्ता लिने निर्णय गरेपछि आफूहरु फर्किन लागेको रावलले नेपाल प्रेसलाई बताए ।

नेता रावलले भने– प्रधानमन्त्रीज्यूले औपचारिक रुपमा अध्यादेश फिर्ता लिने,संवैधानिक अंगका नियुक्तिहरु पार्टीमा छलफल गरी प्रक्रियाबाट जाने र पार्टीका सबै कमिटीका बैठक र छलफलहरु नियमित रुपमा हुने भनेपछि हामी फर्किएका हौं ।

आफूहरुसँग ८३ जना सांसदको हस्ताक्षर रहेको रावलले दावी गरे । अध्यक्ष प्रचण्ड,माधव नेपाल सहितको हस्ताक्षरमा केही मन्त्रीको भने समावेश नरहेको उनले बताए ।

नेता रावलले दुवै अध्यक्षका प्रस्ताव फिर्ता भएर भदौ २६ को अवस्थामा फर्किनेबारे भने पार्टीमा छलफल हुन बाँकी रहेकाले आफूले कुनै प्रतिक्रिया नदिने बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर