राेकिराखेकाे ट्रकसँग ठोक्किँदा मोटरसाइकल चालकको मृत्यु

दाङ । रोकिराखेको ट्रकमा ठोक्किँदा मोटरसाइकल चालकको मृत्यु भएको छ ।

पूर्व पश्चिम राजमार्गमा सोमबार राती राप्ती गाउँपालिका वडा नम्वर ८ बिजौरीमा भालुबाङ्ग बाट लमही आउदै गरेको रा ३ प १३७३ नम्बरको मोटरसाइकलले रोकिराखेको लु १ ख ७००६ नम्बरको ट्रकको पछाडीबाट ठक्कर दिँदा चालकको मृत्यु भएको हो ।

मृत्यु हुनेमा सोही गाउँपालिका वडा नम्वर ७ का २७ वर्षीय अनिल चौधरीको मृत्यु भएको इलाका प्रहरी कार्यालय भालुबाङ्गले जनाएको छ ।

प्रहरीका अनुसार स्थानीय मेडिकलमा प्राथमिक उपचार गरी थप उपचारका लागि लमही लैजाँदै गर्दा चौधरीको बाटोमा मृत्यु भएको हो ।