चन्द्रमाको चट्टान बोकेर चिनियाँ अन्तरीक्ष यान आज पृथ्वी फर्कँदै

एपी/चिनियाँ अन्तरीक्ष यान सोमबार चन्द्रमाको चट्टान बोकेर पृथ्वीमा फर्कने भएको छ । पृथ्वीमा फर्कने उडान सुरु भैसकेको जनाइएको छ । चार दशकपछि चन्द्रमामा यान पठाइएको यो दोस्रो पटक हो ।

चेन्ज फाइभ लुनार नाम दिइएको उक्त यानले गतसाता चन्द्रमाको चक्कर काटिरहेको थियो । चन्द्रमा धरातलमा ल्यान्ड भए लगत्तै केही तस्विर समेत पठाएको थियो । पृथ्वीमा फर्कन उक्त यानले अहिले चन्द्रमाको चक्कर काटिरहेको चिनियाँ अन्तरीक्ष विभागले जनाएको छ ।

प्राचिन ज्वालामुखी रहेको ठानिएको चन्द्र सतहको रुमकेर थलोमा यानले यसै महिनाको सुरुआती सातामा ल्यान्ड गरेको थियो । उक्त थलोबाट यानले २ किलो चट्टानको नमुना संकलन समेत गरेको थियो ।

उक्त यान मंगोलिया सीमा नजिकै पर्ने उत्तरी चीनमा अवतरण गर्ने जनाइएको छ । सन् १९७६ मा सोभियत युनियनले चट्टान ल्याए यता चीन उक्त काममा सफल भएको हो । चन्द्र सतहमा प्वाल पारेर ती चट्टानका नमुना संकलन भएको हो ।

यसअघि अमेरिका र रुसले ल्याएको भन्दा लाखौं वर्ष पुरानो चट्टान हुनसक्ने अनुमान गरिएको छ । जसले गर्दा चन्द्रमाको इतिहास र सौर्य मण्डलबारे थप अध्ययन गर्न सकिने भएको छ । यसका लागि चीनले केही देशसँग मिलेर प्रयोगशाला निर्माण गरिरहेको छ ।

चीनले अन्तरीक्ष योजना अन्तर्गत अब मंगल ग्रहमा यान पठाउने तयारी थालेको छ । चीनले सन् २०२२ मा सम्पन्न हुने गरि स्पेस स्टेसनको समेत निर्माण गरिरहेको छ जसले गर्दा चन्द्रमामा मान्छे पठाउन सकियोस् । अमेरिकाले चाहिँ सन् २०२४ सम्म चन्द्रमामा मान्छे पठाउने योजना बुनिरहेको छ ।