चायाको समस्या छ ? अपनाउनुस् यी घरेलु उपाय – Nepal Press

चायाको समस्या छ ? अपनाउनुस् यी घरेलु उपाय

जाडो शुरु हुने वित्तिकै कपालमा चाया देखिन थाल्छ । जाडोको समयमा धेरै नुहाउन पनि नसकिने भएकाले चायाले झन् सताउँछ । चाया कपालमा सेतै देखिने भएकाले महिला र पुरुषहरू बढी तनावमा हुन्छन् ।

कपालमा चायाकै कारण कपाल छोपेर वा टोपी लगाएर हिंड्नुपर्ने अवस्था आउँछ । गर्मीको समयमा भन्दा जाडोमा अत्यधिक चाया पर्ने गर्छ ।
रक्तकोषिकाहरू मर्ने र नयाँ आउने क्रम भइराख्ने भएकाले कपालमा चाया देखिन्छ ।

चाया जुनसुकै उमेर समूहको मानिसको कपालमा पनि पर्न सक्छ । चाया हटाउन विभिन्न खालको स्याम्पु पनि बजारमा पाइन्छ तर त्यस्ता स्याम्पुले पनि चाया हट्न मुश्किल पर्छ ।

कतिपय आफ्नै घरमा पाइने सामानले पनि सजिलै चाया भगाउन सकिन्छ । तर प्रयोग गर्ने तरिका थाहा नहुँदा भौंतारिइरहेका हुन्छौं ।
कपालको चाया हटाउनको लागि घरमै उपलब्ध हुने घरेलु सामानले पनि चाया सजिलै हटाउन सकिन्छ ।

दही र तोरीको तेल
दही र तोरीको तेलले पनि कपालको चाया सजिलै हटाउन सकिन्छ । घरमा भएको तोरीको तेल र दहीलाई मिसाएर कपालको जरासम्म पुग्ने गरी लगाउनुपर्छ । त्यसरी पेस्ट बनाएर लगाएर आधा घण्टासम्म राखेर नुहाउनुपर्छ र कपालको चाया सजिलै हट्छ । यो तरिका हप्ताको दुई दिन गर्न सके सजिलै चायाबाट मुक्ति मिल्छ । यो उपाय जुनसुकै उमेरका मानिस गर्न सक्छन् ।

पिना र मोही
तोरी पेलेर निस्कने पिनाले पनि चाया भगाउन निकै महत्वपूर्ण भूमिका खेल्छ । र यसको प्रयोगले कपालमा भएको चायाबाट छुटकारा पाउन सकिन्छ । तोरी पिना र मोहीलाई मिसाएर लगाई नुहाउँदा चाया सजिलै हट्छ ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर